Xiaomi కొత్త స్మార్ట్వాచ్, బ్లాక్ షార్క్ GS3 అల్ట్రాను మార్కెట్లోకి విడుదల చేసింది. ఈ స్మార్ట్వాచ్ 1.43-అంగుళాల AMOLED డిస్ప్లేను కలిగి ఉంది. 160 కంటే ఎక్కువ స్పోర్ట్స్ మోడ్లు ఉన్నాయి. ఈ స్మార్ట్వాచ్ సుమారు 18 రోజుల బ్యాటరీ బ్యాకప్ను కలిగి ఉందని కంపెనీ పేర్కొంది. ఇది డ్యూయల్-బ్యాండ్ GPSకి మద్దతు ఇస్తుంది. దీనితో పాటు, కంపెనీ దీనిలో అనేక ఇతర ఆకర్షణీయమైన ఫీచర్లను అందించింది. ఈ స్మార్ట్వాచ్ మునుపటి బ్లాక్ షార్క్ GS3కి అప్గ్రేడ్ వెర్షన్.
Also Read:Lizards: మీ ఇంట్లో బల్లులతో బాధపడుతున్నారా.. అయితే, ఈ 7 ట్రిక్స్ పాటించండి చాలు..
బ్లాక్ షార్క్ GS3 అల్ట్రా ధర
బ్లాక్ షార్క్ GS3 అల్ట్రా ధరను కంపెనీ ఇంకా వెల్లడించలేదు. అయితే, స్మార్ట్వాచ్ అన్ని ఫీచర్లు Xiaomi అధికారిక వెబ్సైట్లో లిస్ట్ అయ్యాయి. ఈ స్మార్ట్వాచ్ బ్లాక్, సిల్వర్ కలర్ వేరియంట్లలో లభిస్తుంది.
బ్లాక్ షార్క్ GS3 అల్ట్రా స్పెసిఫికేషన్లు
బ్లాక్ షార్క్ GS3 అల్ట్రా 1.43-అంగుళాల AMOLED డిస్ప్లేను 466×466 పిక్సెల్ల రిజల్యూషన్ 1000 నిట్ల గరిష్ట ప్రకాశాన్ని కలిగి ఉంది. ఇది వాయిస్ కాలింగ్కు మద్దతు ఇస్తుంది. ఎన్విరాన్ మెంటల్ నాయిస్ క్యాన్సిలేషన్ ను కలిగి ఉంటుంది. స్మార్ట్వాచ్ 5ATM వాటర్ రెసిస్టెన్స్ కూడా కలిగి ఉంది. 50 మీటర్ల వరకు నీటిలో మునిగిపోయినప్పటికీ వాచ్ డ్యామేజ్ అవకుండా ఉంటుందని కంపెనీ పేర్కొంది.
Also Read:Indus Valley Civilisation: సింధు లోయ నాగరికత ఎలా మాయమైంది.? ఐఐటీ సైంటిస్టుల పరిశోధన..
బ్లాక్ షార్క్ GS3 అల్ట్రా స్మార్ట్వాచ్ 270 కి పైగా ఉచిత వాచ్ఫేస్లతో వస్తుంది. ఇందులో బ్లడ్ ఆక్సిజన్ లెవల్స్, హార్ట్ రేట్ సెన్సార్, స్ట్రెస్ మానిటరింగ్, స్లీప్ మానిటరింగ్ వంటి హెల్త్ మానిటరింగ్ ఫీచర్లు ఉన్నాయి. ఇది స్టెప్స్ను కూడా లెక్కిస్తుంది. బ్యాటరీ విషయానికొస్తే, ఇది 45 రోజుల స్టాండ్బై టైమ్ ను, సాధారణ వాడకంతో 18 రోజుల బ్యాటరీ లైఫ్ ను అందిస్తుందని కంపెనీ పేర్కొంది.